Shymkenttiń bas polıtseıi qala turǵyndarymen 30-ǵa tarta kezdesý ótkizgen
ShYMKENT. QazAqparat – Shymkenttiń bas polıtseıi Eraly Jumahanbetov bıyl qala turǵyndarymen 30-ǵa tarta kezdesý ótkizgen. Polıtsııa organdary men halyqtyń arasynda tıimdi keri baılanys ornatý men azamattardyń shaǵymdaryn tez arada qarastyrý maqsatynda uıymdastyrylǵan kezdesýler qalanyń barlyq aýdandarynda ótken, dep habarlaıdy QazAqparat tilshisi.
Departament bastyǵy halyqpen kezdesýde QR Prezıdenti Q.Toqaevtyń Qazaqstan halqyna Joldaýynda memlekettik organdardyń qyzmetkerleri halyqpen tyǵyz qarym-qatynas jasap, halyqqa barynsha jaqyn jáne olardyń ótinishteri qabyldanatynyn atap ótti. Ári tez-arada kelip túsken aryz-shaǵymdarǵa zańdy sheshim qabyldaný qajettigin aıtqan bolatyn.
Osy oraıda Eraly Jumahanbetov kezdesý kezinde jergilikti halyq tarapynan qoıylǵan suraqtardy keń kólemde talqylady.
Sonymen qatar, Shymkent qalasynyń Bas polıtseıi esiginiń árqashan ashyq, turǵyndardyń qandaı da bir mazalap júrgen suraqtary nemese máseleleri bolsa, mindetti túrde birlesip, aqyldasyp sheshimin tabatynyn jetkizdi. Al, turǵyndar óz kezeginde Polıtsııa departamentiniń bastyǵy, polıtsııa polkovnıgi Eraly Jumahanbetovtyń apta saıynǵy azamattardy qabyldaýyn Feısbýk áleýmettik jelisinde tikeleı efırde kóretinin aıtyp, «árbir basshy osylaısha ashyq jáne halyqqa jaqyn bolsa eken» degen oılaryn jetkizdi.
Sondaı-aq, kezdesý barysynda qala aýmaǵyndaǵy eldimekenderde qoǵamdyq tártipti qamtamasyz etý maqsatynda aýdandyq polıtsııa bólimderine qyzmettik avtokólikterdiń berilip jatqanyn jáne turǵyndardyń ótinishterin eskere otyryp, demalys kúnderi qosymsha avtoekıpajdar jumys atqaratyn bolatynyn eskertti.
