Shymkenttiń bas polıtseıi azamattardy jeke qabyldap, aryz-shaǵymyn tyńdady

ShYMKENT. QazAqparat – Shymkenttiń bas polıtseıi Eraly Jumahanbetov onlaın-formatta azamattardy jeke máseleleri boıynsha qabyldady, dep habarlaıdy QazAqparat tilshisi.

Biryńǵaı qabyldaý kúni barysynda polıtsııa general-maıory 100-den astam turǵynmen tildesti.

Azamattardyń basym bóliginiń suraqtary alaıaqtyq faktilerine qatysty boldy.

Eraly Musaáliuly qabyldaýǵa kelgenderdiń máselelerin muqııat tyńdap, suraqtaryna tolyqqandy jaýap berdi.

Sondaı-aq, aýdandyq polıtsııa basqarmalarynyń orynbasarlary men basshylary barlyq suraqtar boıynsha naqty tapsyrmalar aldy.

Biryńǵaı qabyldaýǵa kelgen azamattardyń máseleleri baqylaýǵa alynyp, olardy túpkilikti nátıjege deıin jetkizý jaýapty qyzmetkerlerge júkteldi.