Shymkenttiń balalary shomylý maýsymyn bastap jiberdi
ShYMKENT. QazAqparat - Shymkenttiń balalary shomylý maýsymyn bastap jiberdi. Búgin «Qoshqar ata seıili» festıvali barysynda jetkinshekter ózenge túsip, máz-meıram boldy, dep habarlaıdy QazAqparat tilshisi.
Bıylǵy kóktemniń alǵashqy kúnderi jazdyń ystyq kúnindeı bolyp tur. Búginniń ózinde aýa raıy 26 gradýsqa deıin jylydy. Aǵashtar erte gúldep, jurt shomylý maýsymyn naýryzdyń alǵashqy kúnderinde-aq bastap jibergen bolatyn.
Ásirese qala ishinen ótetin «Qoshqar ata» ózenine baryp, shomylýshylar qatary kóbeıgen. Naýryz merekesin atap ótý kezinde de jetkinshekter jáı qydyrýmen shektele qoımady. Olar ózenniń salqyn sýyna shomylyp, boılaryn sergitip aldy.
Sınoptıkter aldaǵy demalys kúnderi 29 gradýsqa deıin ysıtynyn boljaýda. Aldaǵy aptada jaýyn-shashyndy kúnder bolady dep kútilýde.
