Shymkenttiń avtobýstarynda erekshe plakattar paıda boldy
ShYMKENT. QazAqparat - Shymkenttiń avtobýstarynda erekshe plakattar paıda boldy. Onda qalalyq avtokólik joldary jáne jolaýshylar kóligi bóliminiń basshysy Qýatjan Jumataevtyń fotosýreti bar.
Bul týraly qalalyq ákimdiktiń baspasóz qyzmeti jarııa etti, dep habarlaıdy QazAqparat tilshisi.
Plakatta bólim basshysy qala turǵyndaryna 11 jeltoqsanǵa deıin shahardaǵy qoǵamdyq kólik salasynda tártip ornatýǵa kópshilik aldynda ýáde beredi. ıAǵnı, avtobýstardyń qozǵalý kestesi men kólikterdegi tazalyqtyń saqtalýy qamtamasyz etilip, jolaýshysy kóp baǵyttarǵa qosymsha kólik bólinetinin kórsetken.
Shahar basshylyǵy bolsa mundaı qadam Qýatjan Ázimbaıulynyń jumysyna degen jáne turǵyndar aldyndaǵy jaýapkershilin arttyryp, qosymsha yntalanýǵa yqpal etedi dep otyr. Al eń bastysy, adamdar endi qaladaǵy qoǵamdyq kóliktiń jumysyna jaýapty mamandy jaqynyraq tanıtyn bolady. Sonyń nátıjesinde jolaýshylar kóliginiń sapasyz jumysyna kimge shaǵymdaný keregin bile júredi. 
