Shymkenttiń ardagerleri jylýǵa aqy tólemeıtin boldy
ShYMKENT. QazAqparat - Shymkenttiń ardagerleri jylýǵa aqy tólemeıtin boldy. Qala ákimdigi men jylý berýshi mekeme jáne qalalyq ardagerler keńesi ózara osyndaı kelisimge kelip, úshjaqty memorandýmǵa qol qoıdy, dep habarlaıdy QazAqparat tilshisi.
Memorandýmǵa sáıkes, tólemnen soǵys ardagerleri, oǵan teńestirilgender, ardagerlerdiń jubaılary men Lenıngrad qorshaýynda bolǵandar bosatylady. Qalalyq turǵyn-úı kommýnaldyq sharýashylyq bóliminiń basshysy Nurlan Bektursynovtyń sózinshe, 96 ardager jyl boıy jylýǵa tólemeıtin boldy. Ári mundaı jeńildikter ótken jyly da bolǵan edi.
Aıta keteıik, «Qýatjylýortalyq-3» MKK ótken jyly osyndaı jeńildikterdi 119 ardagerge jasaǵan bolatyn. Bıyl qarttardyń qatary sırep, 96-ny qurap otyr.
