Shymkenttiń Ál-Farabı aýdanynda bir jylda 5 myńnan astam adam turaqty jumyspen qamtylǵan
Ǵabıt Máýlenqulovtyń aıtýynsha, aýdan aýmaǵynda aǵymdaǵy jyldyń basynan beri jalpy 47 nysan iske qosylǵan. Atap aıtsaq, 7 iri, 12 orta jáne 28 shaǵyn óndiristik-kásipkerlik nysandar ashylyp, oǵan tartylǵan ınvestıtsııa kólemi 9,215 mlrd teńgeni quraǵan. Tıisinshe, jańa bos jumys oryndary ashylyp, 5 200 adam turaqty jumyspen qamtylǵan. Sonymen qatar Memleket basshysy Q.Toqaevtyń Qazaqstan halqyna arnaǵan Joldaýy men memlekettik baǵdarlamalaryn halyq arasynda keńinen nasıhattaý maqsatynda aýdannyń aqparattyq-nasıhattyq toby kezdesýler ótkizgen. Halyqpen ashyq dıalog qurý maqsatynda áleýmettik jelilerde aýdan ákimdiginiń barlyq qyzmetkerleri tirkelip, ondaǵy aıtylǵan máseleler men suraqtardy nazarǵa alý jumystaryn júrgizgen. Nátıjesinde, búgingi kúnge deıin aýdan ákiminiń facebook jáne instagram paraqshasyna túsken 1643 ótinishtiń 1347 oryndalǵan. Sondaı-aq, jıyn barysynda áleýmettik kómek jáne memleketten beriletin járdemaqylar boıynsha málimetterge toqtalǵan Ǵ.Máýlenqulov aýdan aýmaǵynda kópbalaly analar sany – 4 900 bolsa, olardyń 351-i «Altyn alqa» jáne 935-i «Kúmis alqa» ıegerleri ekenin aıtty.
«Jyl basynan beri 19 «Altyn alqa» jáne 69 «Kúmis alqa» tósbelgileri tabystalyp, 68 kóp balaly ananyń qujattary «Altyn» jáne «Kúmis» alqalarymen marapattaýǵa usynys joldandy. Sondaı-aq, aýdanda 12 UOS jáne 1201 tyl ardagerleri bar»,- dedi Ǵabıt Máýlenqulov.