Shymkenttiń akvaparkinde sýǵa tunshyqqan bala esin jıdy
ShYMKENT. QazAqparat - Shymkenttiń akvaparkinde 14 jastaǵy jasóspirim sýǵa tunshyǵyp, komaǵa túsken bolatyn. Aýrýhananyń jansaqtaý bóliminde jatqan bala búgin esin jıyp, palataǵa aýystyryldy, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimetinshe, jasóspirim emdeý mekemesine 11-shi maýsym kúni keshki saǵat 18.00-der shamasynda túsken.
«Naýqas aýrýhanaǵa jetkizilgende es-túzsiz, aýyr jaǵdaıda bolatyn. Ol birden jansaqtaý bólimine jatqyzyldy. Tıisti emdik sharalar jasaldy. Tekserý barysynda balanyń ókpesi isingeni, aspıratsııaly pnevmonııamen aýyratyny anyqtaldy. Sondaı-aq, qýyǵy jarylyp ketkeni belgili boldy» delingen habarlamada.
Dárigerler jasóspirimniń qýyǵyna ota jasaǵan soń ǵana beti beri qarap, jaǵdaıy qalypqa túsken. Qazirgi tańda naýqas tıisti emdik sharalaryn qabyldaýda. Mamandar balanyń ómirine qaýip joq ekenin aıtady.
