Shymkenttiń 2018 jylǵy bıýdjeti bekitildi
ShYMKENT. QazAqparat - Shymkenttiń 2018 jylǵy bıýdjeti bekitildi. Qalalyq máslıhat depýtattarynyń kelisimimen keler jyldyń bıýdjeti 114 mlrd 850 mln teńgeni qurady, dep habarlaıdy QazAqparat tilshisi.
Bıýdjetti bekitý barysynda halyq qalaýlylary turmysy tómen otbasy balalarynyń tegin ystyq tamaqpen qamtamasyz etilýine qarjy bólý máselesin kóterdi. Búginde shym shaharda áleýmettik jaǵynan az qamtylǵan otbasylar men jetim jáne jartylaı jetim 30 myń oqýshy tirkelgen. Olardyń arasynda 11 myń oqýshy tegin ystyq tamaqpen qamtamasyz etilse, bıyl olardyń qataryn taǵy 6 myń oqýshyny tolyqtyrdy. Endi ol balalar da tegin ystyq tamaq ishetin boldy.
Bul maqsatta qajet qarjyny qala ákimdigi qarastyratyn bolyp kelisildi.
Halyq qalaýlylarynyń usynysymen Tasken eldi mekenindegi jańa mekteptiń qurylysyna da qarajat bólinetin boldy. Jalpy sessııa barysynda depýtattar tarapynan kóp usynystar aıtyldy. Jıynǵa qatysqan qala ákimi barlyq usynystardy muqııat tyńdap, kelesi jyly atqarylatyn jumys josparlarymen bólisti. Jıyn sońynda shym qalanyń áleýmettik-ekonomıkalyq damýyna úles qosqan 6 azamat qala basshysynyń gramotasymen marapattaldy.
