Shymkenttikterdiń ótinishine qaramastan, jylytý maýsymy 1 sáýirde aıaqtalady
ShYMKENT. QazAqparat - Shymkentte jylytý maýsymy naýryz aıynyń sońynda aıaqtalady, dep habarlaıdy QazAqparat tilshisi.
«Naýryz aıynyń basynda kún jylynyp, birqatar turǵyndar jylýdy óshirip tastaýdy surady. Degenmen, mamandardyń aıtýynsha, jylytý qondyrǵylaryn óshirgen soń, kún sýyǵanda ony qaıta qosý qıynǵa soǵady. Ol jumys uzaq ýaqytty talap etedi», - delingen qalalyq ákimdiktiń baspasóz qyzmeti taratqan habarlamada.
Osyǵan baılanysty jylý berýdi toqtatý 1 sáýirge josparlanyp otyr.
Mamandar turǵyndardy buǵan túsinistikpen qaraýǵa shaqyrdy. Sebebi, ortalyqtandyrylǵan jylytý júıesine aýrýhanalar, balabaqshalar men mektepter qosylǵan. Kún kúrt sýytqan jaǵdaıda bul mekemelerdi jylytýda qıyndyqtar týýy múmkin.
