Shymkenttikterdi Jerge jaqyn ushqan belgisiz nysan tańdandyrdy
ShYMKENT. QazAqparat - Shymkenttikter kesh batysymen aspanda ushyp júrgen nysandy kórip tań qaldy. Áppaq belgisiz nysan jáımenen qalyqtap ushyp, tútindetip ótti, dep habarlaıdy QazAqparat HAA tilshisi.
Alǵashynda bul zattyń ne ekenin bilmeı tań qalysqan turǵyndar artynsha onyń Baıqońyrdan ushqan ǵarysh kemesi ekenin bir-aq bilgen. Bazbiri nysandy sýret pen beınetúsirilimge de túsirip alypty. Bul kórinis kórshiles Qyzylorda jáne Jambyl oblystarynda da qaıtalanǵan.
Keıinnen kúngeı jurtshylyǵy belgisiz nysannyń «Soıýz -FG» kóliktik basqarý kemesi ekenin bildi. Ol Astana ýaqyty boıynsha 21 saǵat 41 mınýtta Baıqońyr ǵarysh aılaǵynan sátti ushyrylǵan bolatyn.
