Shymkenttikter tegin dárini endi emhananyń ózinen ala bastady
Qalalyq densaýlyq saqtaý basqarmasy baspasóz qyzmetiniń málimetinshe, tegin dáriler eń aldymen dıspanserlik esepte turatyn azamattaǵa berile bastaǵan.
«Buryn «SK Farmatsııa» qandaı jekemenshik dárihanamen kelisim-shartqa otyrsa, sol jerden alatyn. Qazir naýqastar tikeleı emhana dárihanasyna keledi. Munyń tıimdiligi - dıspanserlik esepke turǵan azamattar dárigerdiń qabyldaýynda bolyp, emdik retseptimen birden dári-dármegin alyp ketedi», - deıdi №7 emhananyń bas dárigeri Aıman Ospanova.
Qazirgi kezde kóbine medıtsınalyq uıymdarda júrek ahaýymen esepte turatyn patsıentter dárilik zattaryn tegin alýda. Sondaı-aq qaladaǵy emhanalarda dárigerlerdiń júktemisi azaıyp, 60-qa jýyq jańa ýchaskeler ashyldy. Osyǵan sáıkes medıtsınalyq uıymdarda terapevt jáne pedıatr dárigerleri tolyqtyrylmaq.
Aıta keteıik, Shymkentte smartfondyq aqparattyq júıege kúni búginge deıin 154 609 azamat tirkelgen. Nátıjesinde mobıldik qosymsha arqyly turǵyndar kez-kelgen medıtsınalyq qyzmetke qol jetkizip, tipti zerthanalyq taldaý qortyndylaryn da alýda.