Shymkenttikter elimizdiń bas qalasyn Nur-Sultan dep ataýdy qoldady

ShYMKENT. QazAqparat - Shymkenttikter elimizdiń bas qalasyn Nur-Sultan dep ataýdy qoldady. Qalada ótip jatqan halyqaralyq Ashyk aspan festıvalin tamashalaýǵa kelgen 20 myńǵa tarta turǵyn «Nur-Sultan, Qazaqstan, jasasyn!» dep urandatty, dep habarlaıdy QazAqparat tilshisi.

Tanymal rep-oryndaýshy Nazımanyń kontsertimen bastalǵan sharada qala ákimi Ǵabıdolla Ábdirahymov quttyqtaý sóz sóılep, elorda ataýynyń ózgergenin aıtyp ótti. Qala basshysynyń úndeýin ilip alyp ketken 20 myńnan astam halyq, bul bastamany qoldaıtyndaryn bildirdi. Kontserttiń sońy Shymkenttiń aspanyn jap-jaryq etken merekelik otshashýmen aıaqtaldy.

Aıta keteıik, Ashyk aspan festıvali Shymkentte ekinshi ret ótip otyr. Bıylǵy festıvalge 11 elden 20 komanda qatysty. Osylaısha úshinshi megapolıs áýe sharlary festıvaliniń ortalyǵy dep tanylyp otyr. 2020 jyly uıymdastyrýshylar bul festıvalge qatysatyn komandalar sanyn 50-ge jetkizbek.