Shymkenttikter Elbasy maqalasyndaǵy bastamalardy qyzý qoldady
ShYMKENT. QazAqparat - Shymkenttikter Memleket basshysy N. Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda aıtylǵan bastamalarǵa qoldaý bildirdi.
Elimizdiń Ardagerler keńesiniń 30 jyldyǵyna oraı búgin qalalyq Ardagerler keńesiniń uıymdastyrýymen «Yrys aldy - yntymaq» atty forým ótti, dep habarlaıdy QazAqparat HAA tilshisi.
Atalǵan forýmda qalanyń zııaly qaýym ókilderi men ardagerler keshe ǵana Elbasynyń «Egemen Qazaqstan» gazetinde jarııalanǵan maqalasyn qyzý talqylap, ondaǵy aıtylǵan ıdeıalar el damýynyń bolashaq baǵdary ekenin erekshe atap ótti. Elbasynyń bul kólemdi maqalasynda halyqty tolǵandyryp júrgen máselelerdiń barlyǵy kórinis tapqan. Basqosýda oblys ákimi Janseıit Túımebaev pen qala ákimi Ǵabıdolla Ábdirahymov ardagerlerdi merekesimen quttyqtap, Prezıdent maqalasynyń mańyzdylyǵyna toqtaldy. Óz kezeginde aımaq basshysy el bolashaǵyn aıqyndaǵan maqalany oqyp, ony basshylyqqa alyp, oblys ekonomıkasy men mádenıetin, bilimin damytýda bul tarıhı mańyzdy qujat naqty baǵdar bolýy tıis ekenin jetkizdi. Forýmǵa qatysýshylar bolsa Memleket basshysynyń ıdeıalaryn qoldap, ony belsendilikpen júzege asyrýǵa shaqyrdy.
Merekelik sharada oblys pen qalaǵa eńbek sińirgen birqatar ardagerler oblys ákiminiń Alǵys haty jáne Qurmet gramotalarymen marapattaldy. Sondaı-aq qoǵamǵa qosqan eleýli eńbegi úshin bir top ardager qala ákiminiń Alǵys hatyna ıe boldy.
