Shymkenttikter el turǵyndaryn ózderi otyrǵyzǵan mıllıondaǵan gúlderdi kórýge shaqyrdy
ASTANA. QazAqparat - Ońtústik Qazaqstan oblysynyń ókilderi Qazaqstan turǵyndaryn Shymkentke kelip, jaıqalyp turǵan mıllıondaǵan gúlderdi tamashalaýǵa shaqyrdy, dep habarlaıdy QazAqparat.
«Qazaqstanda kóktemniń shýaq shashqan alǵashqy kúnderine tap osy ońtústik turǵyndaryndaı shattanatyn eshkim joq shyǵar, sirá. Óıtkeni kóktem jaýqazyndar gúl ashyp, aınalany ásemdikke bóleıtin tamasha kez. Kóktem kelisimen gúlder shaharda tap bir kilem tósep qoıǵandaı túrli túske bólenip, jaıqalyp turady. Bıyl Shymkentte 1 mln 37 myń jaýqazyn egilgen. Gúlderdiń eń úlken kompozıtsııasy qala sımvoly - «Jaýqazyn» sýburqaǵynda ornalasqan»,-dep habarlaıdy OQO-nyń Týrızm ortalyǵynyń ókilderi Feısbýk paraqshasynda.
Sondyqtan shymkenttikter el turǵyndaryn bárin tastap, oblystyń bas qalasyna kelýge shaqyryp otyr.
Sonymen qatar jazbada Shymkentke eldiń kez kelgen jerinen ushaqpen qandaı baǵaǵa ushyp kelýge bolatyny jazylypty (eki baǵytqa shamamen 25-30 myń teńge). Al poıyzben eki baqytqa jol júrý baǵasy 15-20 myń teńge kóleminde kórinedi. Bul rette OQO-nyń Týrızm ortalyǵy qalada qonaqúıde turýdyń táýliktik baǵasy 15 myń teńgeni quraıtynyn (taǵsy asty qosa alǵanda) da aıtady.
