Shymkenttikter avto HQKO aldynda túneýge májbúr
Áleýmettik jelide Shymkent qalasyndaǵy «Dostyq» móltek aýdanynda ornalasqan mamandandyrylǵan HQKO aldynda túngi ýaqytta kezek kútip turǵan halyqtyń vıdeosy tarap jatyr. Onda júrgizýshi kýáligin alý úshin 2-3 apta buryn kezekke jazylý kerektigi, sondaı-aq 300-den astam adam kezekke tursa, sonyń 30 ǵana qabyldaýǵa kirip jatqany aıtylady.
Bul máselege qatysty «Azamattarǵa arnalǵan úkimet» memlekettik korporatsııasynyń Shymkent qalasy boıynsha fılıaly resmı túrde jaýap berdi.
«Bul mamandandyrylǵan HQKO ǵımaratynda ishinara jóndeý jumystary júrgizilýi sebebinen týyndap otyrǵan jaǵdaı. Jóndeýge baılanysty atalǵan HQKO-da tek praktıkalyq emtıhan tapsyrý men daıyn qujattar berý qyzmeti kórsetilip jatyr. Azamattardyń kóptigi eskerile otyryp, mamandandyrylǵan HQKO-nyń jumys kesteleri qaıta qaralyp, 8.00-den 18.00-ge deıin uzartyldy. Sondaı-aq S1 sanaty boıynsha emtıhan qabyldaýǵa qosymsha mashına bólindi» - delingen aqparatta.
Aıta keteıik, Shymkent qalalyq mamandandyrylǵan Halyqqa qyzmet kórsetý ortalyǵy aldynda qalyptasqan uzyn-sonar kezek týraly buǵan deıin jazǵan bolatynbyz. Máselege túsinik bergen «Azamattarǵa arnalǵan úkimet» korporatsııasynyń Shymkent qalalyq fılıaly uzyn kezek týraly vıdeo 2021 jyly túsirilgenin jáne ǵımarat aldynda kezek joqtyǵyn aıtty.
«Áleýmettik jelilerde taratylǵan vıdeo 2021 jyly túsirilgen. Qazirgi kezde Dostyq yqsham aýdanyndaǵy mamandandyrylǵan HQKO-da qyzmetter tolyq kólemde kórsetilip jatqan joq. Sebebi ǵımaratta ishinara jóndeý júrgizilip jatyr. Qazirgi tańda mamandandyrylǵan HQKO-da praktıkalyq emtıhan tapsyrý jáne daıyn qujattardy alý sııaqty qyzmetter qoljetimdi. Klıentter kóp jınalyp jatqan joq», - degen edi korporatsııadan.
Vıdeodan alynǵan kadr
