Shymkenttikter Arystan evakýtsııalanǵan halyqqa jappaı kómek kórsetýde
Shymkent qalasynyń ortalyq meshiti qazirgi ýaqytta Arystan evakýatsııalanǵan halyqty qabyldaýda. Kelip túsken habarlarǵa qaraǵanda, evakýatsııa kezinde adasyp qalǵan balalardyń barlyǵy meshitke jetkizilip jatyr. Qazirgi ýaqytta kómek kórsetýge ákelingen adamdar sany 500-den asqan.
Meshit ımamynyń aıtýynsha, jetkizilgender meshittiń medresesi men jataqhanasyna ornalastyrylýda. Arys turǵyndaryna kómektesýge Shymkent qalasynyń turǵyndary sý, azyq-túlik jetkizip, barynsha qoldaý kórsetýde.
Buǵan deıin Arys qalasyndaǵy áskerı bólimniń qoımasynda jarylys bolǵandyǵy týraly habarlanǵan edi. QR Qorǵanys mınıstrligi Arystaǵy jarylystan zardap shekkender joq ekendigin jarııalady.
Al QR Prezıdenti Qasym-Jomart Toqaev tıisti organdarǵa Arystaǵy áskerı bólimdegi oq-dári qoımasynda bolǵan jarylystyń zardaptaryn joıý týraly tapsyrma berdi.
