Shymkenttikter ÁCh-da jeńispen oralǵan boksshylardy áýejaıdan kútip aldy
ShYMKENT. QazAqparat - Shymkenttikter Gambýrgten jeńispen oralǵan sportshylardy áýejaıdan qarsy aldy. Álem chempıony Qaırat Eralıev pen qola júldeger Erjan Jaqypqa, sondaı-aq quramanyń bas bapkeri Myrzaǵalı Aıtjanovqa jankúıerler men Ońtústik sport salasynyń basshylary erekshe qurmet kórsetti, dep habarlaıdy «QazAqparat» HAA tilshisi.
Myrzaǵalı Aıtjanovtyń shákirtteri otandyq boks tarıhynda erledi. Óıtkeni Qaırat Eralıev ońtústik óńirinen ekinshi bolyp, Álem chempıony atanyp otyr. Qaırat Eralıev fınaldyq kezdesýde amerıkalyq boksshy Dıýk Raganmen judyryqtasyp, ádemi boks órnegin pash etti. Boksshy halyqaralyq iri jarystarda alǵash ret jeńis tuǵyrynan kórinip otyr. 2013 jyly Almatyda ótken Álem chempıonatynda, keıingi Azııa oıyndary men Azııa chempıonatynda qola alǵan edi.
Al Erjan Jomart jartylaı fınaldyq básekede 2015 jylǵy álem chempıony kýbalyq Hoanıs Arhılagospen judyryqtasyp, upaı sany boıynsha ese jiberdi. Dese de ol qurama qorjynyna álem chempıonatyndaǵy alǵashqy júldeni saldy. Bul ońtústik sportshysy úshin úlken nátıje. Óıtkeni ol bıylǵy Azııa chempıonatynda úzdik altylyqqa enbeı, álem birinshiligine beriletin joldamadan qaǵylǵan bolatyn. Alaıda saryqurlyq birinshiliginde altynshy oryn alǵan ındonezııalyq boksshy Kornelıýs Kvangý Langý lıtsenzııasynan bas tartyp, AIBA bul joldamany jetinshi orynda turǵan Jomart Erjanǵa bergen edi.
Aıta keteıik, Germanııada ótken álem birinshiliginde elimizdiń sportshylary 6 medal oljalady. Jalǵyz altyn medaldy Qaırat Eralıev jeńip alsa, Ábilhan Amanqulov pen Qamshybek Qońqabaev eki kúmis enshiledi. Al Vasılıı Levıt pen Jomart Erjan jáne Abylaıhan Júsipovter qolany qanaǵat tutty.
