Shymkenttik jýrnalıst Senat depýttattyǵyna kandıdat retinde usynyldy

ShYMKENT. QazAqparat - Shymkent qalalyq máslıhatynyń kezekten tys qyryq toǵyzynshy sessııasy uıymdastyrylyp, onda QR Parlamenti Senaty depýtatynyń ornyna megapolısten kandıdat usyný máselesi qaraldy, dep habarlaıdy QazAqparat tilshisi.

Máslıhattyń kezekti otyrysynda «Nur Otan» partııasynyń fraktsııa jetekshisi Bekaıdar Tólegenov depýtattyqqa «Shymkent aqparat ortalyǵy» JShS dırektor-bas redaktory Aıgúl Qapbarovanyń kandıdatýrasyn usyndy. Máslıhat depýtattary bul usynysty biraýyzdan qoldady. Óz kezeginde qala ákimi Ǵabıdolla Ábdirahymov QR Parlamenti Senaty depýtattyǵyna úmitker retinde usynylǵan A.Qapbarovanyń laıyqty ekenin atap ótip, aldaǵy jaýapty kezeńde sáttilik tiledi.

«Aıgúl Jarylqasynqyzy - tájirıbesi tolysqan, bul laýazymǵa jan-jaqty daıyn kandıdat. Qalanyń damýyna óz úlesin qosyp keledi. Joǵarǵy zań shyǵarýshy organda da óz biliktiligin kórsetedi dep oılaımyn», - dedi qala ákimi.

Aıta keteıik, Aıgúl Jarylqasynqyzy eńbek jolyn 1997 jyly oblystyq teleradıokompanııanyń redaktor-tilshisi bolyp bastaǵan. Odan keıin «Ońtústik Qazaqstan» gazetiniń saıasat bóliminiń meńgerýshisi bolyp istedi. Búginde «Shymkent aqparat ortalyǵy» JShS dırektor-bas redaktory qyzmetin abyroımen atqaryp júr.