Shymkenttik jýrnalıst óziniń syılyǵyn jetim qyzǵa tartý etti

ShYMKENT. QazAqparat - Shymkenttik jýrnalıst merekede alǵan 150 myń teńge marapatyn jetim qyzǵa tartý etti. Jergilikti telearnanyń tilshisi Rabıǵa Júnis bolashaqta jýrnalıst bolýdy armandaǵan jasóspirimge osylaısha qoldaý kórsetti, dep habarlaıdy QazAqparat HAA tilshisi.

Aıta keteıik, oblys ákimi  Janseıit Túımebaev Arys qalasyna barǵan saparynda balalar úıine soǵyp, ondaǵy tárbıelenýshilermen kezdesken bolatyn. Olardyń arasynan sýyrylyp shyqqan Krıstına esimdi qyz aımaq basshysyna bolashaqta jýrnalıst bolǵysy keletini jóninde aıtyp, armanyn jetkizgen edi. Óz kezeginde óńir basshysy jýrnalısterge osy qyzǵa qoldaý kórsetýge shaqyrǵan. Onymen tyǵyz baılanysa otyryp, onyń armanyna jetýine sebepker bolýǵa yqpal etý qajettigin atap ótken. Osydan keıin araǵa 28 kún salyp, "NAR tv" telearnasynyń redaktory Rabıǵa Júnis "BAQ qyzmetkerleri" kúninde jeńip alǵan 150 myń teńge syılyǵyn Krıstınaǵa tabystady.