Shymkenttik júrgizýshilerge 9 aıda 1,5 mlrd teńge kóleminde aıyppul salynǵan
ShYMKENT. QazAqparat - Shymkenttik júrgizýshiler 9 aıda 83 myńnan asa jol erejesin buzǵan. Erejeni eskermegenderge 1,5 mıllıard teńge ákimshilik aıyppul salynypty. Sóıtip 600 mıllıon teńge oblys bıýdjetine óndirilgen, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, Protsessıngtik ortalyqtyń avtomatty rejimde jumys isteıtin arnaıy tehnıkalyq baqylaý-ólsheý quraldary júrgizýshilerdiń ereje buzýyn túsirip alady. Qazirgi tańda qalada 21 «Redspıd» jyldamdyq ólsheýish quraly, 21 «Integra» zııatkerlik kóshe qıylysy jáne 6 jol qozǵalysyn baqylaıtyn 6-dana «Krıs P» júıesi iske qosylǵan. Kúni búginge deıin salynǵan aıyppuldyń 40 paıyzy óndirilip úlgergen.
