Shymkenttik júrgizýshi kóliginiń oryndyǵyna ertoqym ornatyp aldy
ShYMKENT. QazAqparat – Shymkenttik júrgizýshi kóliginiń oryndyǵyna ertoqym ornatyp, jurtty tańqaldyrdy, dep habarlaıdy QazAqparat tilshisi.
Áleýmettik jelide kóliginiń aldyńǵy eki oryndyǵyna ertoqym ornatyp alǵan jigittiń vıdeosy tarady. «VAZ-2114» kóliginiń júrgizýshisi ertoqymnyń zor áseri baryn aıtady.
«Arnaıy tapsyryspen istettim. Ózińdi atta júrgendeı sezinesiń. Keremet», - deıdi rólde otyrǵan júrgizýshi.
Al, vıdeony kórgender tańqalysyp, túrli pikir bildirip jatyr.
Bir oqyrman «Birden tejegish basýǵa bolmaıdy» dep keńes berse, endi biri «em bolsyn» degen tilegin jetkizgen.
«Aýyldan shyqqanmen, aýyl áli odan shyqpaǵan», «Gınness rekordtar kitabyna ený kerek», «Mashına attyń júrisin bere almaıdy» degen oılar aıtylǵan.
Al, qyzdar jaǵy «ıýbkamen qalaı otyramyz», «shuryq-tesik jolmen júrme» dep ázildep, jazba qaldyrypty.
Vıdeodan alynǵan kadr
