Shymkenttik JOO túlekteri qalalyq Polıtsııa departamentine jumysqa qabyldanýda

ShYMKENT. QazAqparat – Shymkenttik joǵary oqý oryndarynyń túlekteri qalalyq Polıtsııa departamentine jumysqa qabyldanýda. Qalalyq Polıtsııa departamentiniń Kadr saıasaty basqarmasy qyzmetkerleri birqatar ýnıversıtetterdiń túlekterimen jáne 4 kýrs bitirýshi stýdenttermen kezdesýler ótkizip, túsindirý jumystaryn júrgizip keledi, dep habarlaıdy QazAqparat tilshisi.

QR Prezıdenti Qasym-Jomart Toqaev halyqqa arnaǵan Joldaýynda quqyq qorǵaý júıesin tolyq reformalaý men polıtsııanyń qaýipsizdikti qamtamasyz etý úshin azamattarǵa qyzmet kórsetetin organǵa aınalý kerektigin atap ótken bolatyn. Osy maqsatta Shymkent qalalyq Polıtsııa departamenti M.Áýezov atyndaǵy Ońtústik Qazaqstan memlekettik ýnıversıteti men M.Saparbaev atyndaǵy Ońtústik Qazaqstan Gýmanıtarlyq ınstıtýtynyń basshylyǵymen kezdesip, «Іshki ister organdaryna kadrlardy daıarlaý salasyndaǵy yntymaqtastyq týraly» memorandýmǵa qol qoıǵan bolatyn.

Nátıjesinde Shymkent qalasy Polıtsııa departamenti Kadr saıasaty basqarmasy qyzmetkerleri túlekter men stýdentter arasynda túsindirý jumystaryn júrgizip, bos laýazymdaryna konkýrstar jarııalaǵanyn jáne konkýrs týraly aıtyp ótti. Sonymen qatar, departamenttiń «Front-keńselerinde» ishki ister organy qataryna úmitkerlermen kezdesýler udaıy uıymdastyrylyp turady. Nátıjesinde laýazymdar konkýrsyna qatysýǵa 115 úmitker ótinish bildirip, 29 úmitker Іshki ister organy qataryna qabyldanǵan.

Onyń ishinde 24 úmitker orta basshy quramǵa, 5 úmitker kishi basshy quramǵa taǵaıyndaldy. Qazirgi tańda arnaıy bastapqy oqý kýrstaryna joldandy. Sonymen qatar patrýldik polıtsııa polkiniń polıtseıi jáne kámeletke tolmaǵandar isteri jónindegi ýchaskelik polıtsııa ınspektory laýazymdaryna konkýrs jarıalanyp, konkýrsqa qatysýǵa búgingi kúnge 36 úmitker ótinish bildirgen.