Shymkenttik jigit qalyńdyǵyna erekshe syı jasady
ShYMKENT. QazAqparat - Shymkenttik jigit kezekti sán úlgisin kórsetý kezinde súıiktisine sóz saldy. Kútpegen jerden sezimin jetkizgen Baýyrjan Syzdyqov unatqan qyzyna túrli tosyn syılar jasady, dep habarlaıdy QazAqparat tilshisi.
Sán úlgilerin kórsetý kezinde uıymdastyrýshylyq qyzmet atqaryp júrgen arýǵa sánqoı qyzdar bir-birden qyzǵaldaq syılady. Mundaı bolady dep kútpegen súıiktisi tosyrqap qaldy. Kórermender bolsa bul stsenarııdiń bir bóligi dep túsindi. Alaıda artynsha Shymkenttik jigit shyǵyp, súıiktisine sóz saldy. Qolyndaǵy gúli men neke júzigin usyndy. Bul Baýyrjan Syzdyqovtyń ıdeıasy edi. Kópshiliktiń aldynda sezimin bildirgen ol jaqsy kóretin qyzyna júrekten shyqqan sózderin aıtty.
«Súıiktim, maǵan sensiz ómir joq. Ekeýmizdiń aramyzdaǵy sezim meni tek alǵa jeteleıdi. Men ózińdeı jandy kezdestirgenim úshin Jaratqanǵa sheksiz rızashylyǵymdy bildiremin. Aldaǵy ómirimizde sen meniń súıikti jarym bolyp, qalǵan ǵumyrymyzdyń baqytyn birge sezingenimizdi qalaımyn», - dedi Baýyrjan Syzdyqov.
Jigitiniń bul usynysyn boıjetken sózge kelmeı qabyldady. Mundaıdy kútpegen kórermender bolsa bul oqıǵany uıaly telefondaryna túsirip jatty. Keıinnen belgili bolǵandaı, ǵashyqtar ótken jyldyń jazynan beri tanys eken. Sodan beri jas jigit bolashaq jaryn qalaı tańqaldyratynyn bilmeı kelipti.
«Meniń qııalym sheksiz. Súıiktime gúldi 8 naýryzda syılasam dep edim, keıin ol kúndi kútpeı-aq bere bereıin dep sheshtim»,- deıdi jigit.
