Shymkenttik Jazıra Nurymbetova Qazaqstan arýy atandy
ASTANA. 9 jeltoqsan. QazAqparat - Astanadaǵy Táýelsizdik saraıynda «Qazaqstan arýy-2012» ulttyq sulýlyq baıqaýy óz máresine jetti.
Tóreshilerdiń sheshimimen 21 jastaǵy shymkenttik Jazıra Nurymbetova Qazaqstannyń eń sulý qyzy dep tanyldy. Ol 2013 jyly qazaq eliniń atynan «Álem arýy» baıqaýyna qatysyp, óz baǵyn synaıtyn bolady.
Al ulttyq baıqaýdyń vıtse-mıssi ataǵy aqtóbelik 22 jastaǵy Álııa Muqanovaǵa buıyrsa, ekinshi vıtse-mıss astanalyq 20 jastaǵy Gúlstan Omarova, úshinshi vıtse-mıss almatylyq Karına Jetesova atandy.
Esterińizge sala keteıik, ulttyq sulýlyq baıqaýyna óńirlik kezeńderde jeńiske jetken 25 qyz qatysqan bolatyn. Sonymen qatar Astanadan 7, al Almatydan 2 arý elimizdiń eń sulý qyzy ataný úshin óz baqtaryn synaǵan edi.
Arýlardy Astana qalalyq ákimdigi mádenıet basqarmasynyń bastyǵy Bolat Majaǵulov, Qazaqstannyń eńbek sińirgen qaıtarkeri, skrıpkashy Marat Bısenǵalıev, rejısser Farhat Sháripov syndy tanymal azamattar baǵalaǵan bolatyn.
