Shymkenttik jastar eskertkishter men memorıaldarda tazalyq aktsııasyn uıymdastyrdy
«Ardagerlerdi ardaqtaıyq» partııalyq jobasy aıasynda uıymdastyrylǵan aktsııaǵa qalanyń joǵarǵy jáne arnaýly oqý oryndarynan 30-dan astam jas qatysty, dep habarlaıdy QazAqparat tilshisi.
Ekinshi dúnıejúzilik soǵysta jeńiske jetken ata-babalarymyz bizge qaldyrǵan táýelsizdikti qadirleı otyryp, jastardyń patrıottyq sezimin oıatý maqsatynda ótken sharaǵa qatysýshylar batyrlarǵa arnalǵan eskertkishterdi, memorıaldar men obelıskilerdiń aýmaǵyn tazartty. Sondaı-aq, Ekinshi dúnıejúzilik soǵys batyrynyń esimi berilgen Baýyrjan Momyshulynyń eskertkishin, kóshelerdi, dańǵyldardy tazalyq jumystaryn júrgizdi.
«Bul ádettegi senbilik emes, tazartyp jatqan kóshelerdiń barlyǵy da batyrlarymyzdyń atymen atalǵan. Biz - jastar óz qaharmandarymyzdy umytpaýymyz kerek», - dedi «Jas Otan» JQ Shymkent qalalyq fılıaly tóraǵasy Arman Álibekov.
Aıta keteıik, jasotandyqtar úshin bul bir kúndik aktsııa emes. Jastar birneshe jyl boıyna «Ardagerlerdi ardaqtaıyq» jobasyn qolǵa alyp, elimizdiń barlyq aımaǵynda turatyn ardagerlerge kómek kórsetip keledi. Barlyǵy egde jasta bolǵandyqtan, kóbine úı sharýashylyǵyn ózderi atqara almaıdy. Mundaıda sol aımaqtyń belsendi jastary úıleri men aýlasyn jınastyryp, qol ushyn sozýda.
