Shymkenttik jas jubaılar jaldaǵan tikushaqty bir saǵatqa jalǵa alý quny 550 myń teńge turady
ShYMKENT. QazAqparat - Shymkenttik jas jubaılar kúndizgi qydyrýlaryna jaldaǵan tikushaqty bir saǵatqa jalǵa berý quny 550 myń teńge turady. Tikushaq jekemenshik munaıgaz kompanııasyna tıesili bolyp shyqty, dep habarlaıdy «QazAqparat HAA tilshisi.
Kompanııanyń avıatsııa departamenti jetekshisi Qýanysh Musaevtyń sózinshe, jekemenshik mekeme kommertsııalyq qyzmet kórsetýge jýyrda ǵana ruqsat alǵan. Al jas jubaılardyń tapsyrysy alǵashqysy eken.
«Sońǵy kezderi qarjylyq qıyndyqtar bolýyna baılanysty biz kommertsııalyq qyzmet kórsetý úshin ruqsat alǵan bolatynbyz. Arnaıy saıt ashyp, jarnama da berip qoıdyq. Al, jas jubaılardyń tapsyrysy alǵashqysy edi. Biraq munshalyqty shý shyǵady dep oılamadyq. ıAǵnı, toıǵa kelgen qonaqtar tikushaqty túsirip, áleýmettik jelilerge taratyp jiberipti. Endi bizge sony kesiri tıip ketýi múmkin»,-deıdi Qýanysh Musaev.
Alaıda, keıin belgili bolǵandaı jas jubaılar tikushaqty jarty saǵatqa jalǵa alǵan.
«Biz jas jubaılarǵa tikushaqpen ushý qyzmetin saǵatyna 550 myń teńgeden usyndyq. Alaıda olar bul baǵany qymbatsynyp, jarty saǵatqa jaldady. Qyzmet aqysyna 235 myń teńge tóledi. Jalpy biz áýede ushý erejelerin buzǵan joqpyz, jerden 10 metr bıiktikte ushtyq. Bul alǵashqy tapsyrysymyz bolatyn»,-dedi Qýanysh Musaev.
Esterińizge sala keteıik, kúni keshe ońtústik óńirinde toı kortejimen birge ushqan tikushaqtyń beınejazbasy barlyq áleýmettik jelilerge tarap ketken bolatyn. Túsirilimde toı kortejimen ilesip bara jatqan tikushaq tómen qaraı túsip, qaıta kóterilgen. Áýe kemesiniń ushqyshtary kortejden ozyp ketpeı ushýǵa tyrysady. Búgin óńirdiń jergilikti polıtseıleri osy jaıt boıynsha anyqtaý jumystaryna kirisken edi. Keıinnen úılenip jatqan azamat Aıtýǵan esimdi sýretshi ekeni belgili boldy.
