Shymkenttik voleıbolshylar Joǵary lıganyń «A» dıvızıonyndaǵy el chempıonatynda ózgelerden qara úzip ketti
ALMATY. 28 voleıbol. QazAqparat - Pavlodarda 19-26 jeltoqsan kúnderi voleıboldan ótken Joǵary lıganyń «A» dıvızıonyndaǵy erler komandalary arasyndaǵy Qazaqstan chempıonatynyń 2-týry ótti.
Onda Shymkenttiń «Dınamo-Qazyǵurty» múmkin bolǵan eń joǵarǵy 18 upaıdy tolyq óz qorjynyna salyp, týrnır kestesindegi basty qarsylasynan 10 upaıǵa uzap ketti. Qazir olarda 34 upaı bar. Odan keıingi oryndardy Almatynyń «Ushqyn-QazUAÝ» (24 upaı), «Semeı» (22 upaı), Óskemenniń «Shyǵys-QorǵasynQurylys-2» (21 upaı), Qyzyljardyń «Esil-Vıktorııa» (12 upaı), «Pavlodar-2» (10 upaı), Oraldyń «Jaıyq-Kondensat» (3 upaı) komandalary ózara bólisýde. Bul týrda shymkenttik Gafýrjon Alımov, almatylyq Valentın Lagýtın, semeılik Igor Chıkıshev, pavlodarlyq Vıktor Moskov, qyzyljarlyq Tımýr Shaıhýtdınov, óskemendik Rohas Koımbra Reıner, oraldyq Denıs Kýcherov úzdik oıynshylar atandy. Endi 3-týr oıyndary 18-27 aqpanda ótpek.
