Shymkenttik túrmege nannyń ishine telefon tyǵyp ótkizbek bolǵan

ShYMKENT. QazAqparat - Shymkenttegi túrmede jazasyn óteýshige týysy nannyń ishine jasyrylǵan uıaly telefon alyp kirmek bolǵan, dep habarlaıdy QazAqparat tilshisi.

Tyıym salynǵan baılanys quraly sottalýshyǵa ákelgen tamaqtardy tekserý barysynda tabyldy

Áıelderge arnalǵan ICh 167/4  túzeý mekemesi basshysynyń mindetin atqarýshy Saparǵalı Jumaǵulovtyń sózine qaraǵanda, qatań tártiptegi kolonııaǵa sottalýshynyń týysy qysqa merzimdegi kedesýge kelgen. Onyń zattaryn qaraý kezinde túrme qyzmetkerleri nandy týrap kórgen. Sol kezde uıaly telefonmen qatar onyǵ qýattaǵyshy, sım kartasy tabylǵan. Artynsha bul zattar tárkilendi. Kezdesýge kelgen azamatqa qatysty tergeý sharalary júrgizilýde. Túzeý mekemesi qyzmetkerleri zańbuzýshylyqqa jol bergen turǵynnyń isin Qylmystyq-protsestik kodeksi  boıynsha shara qoldaný úshin Shymkent qalalyq Ál-Farabı aýdandyq sotyna joldanǵan. 

Aıta keteıik, dál osyǵan uqsas jaǵdaı eki aı buryn bolǵan. Onda jazasyn óteýshiniń týysy pisken taýyqtyń ishine uıaly telefon tyǵyp kelgen bolatyn. Tyıym salynǵan baılanys quralyn túrme qyzmetkerleri tárkilep alǵan.