Shymkenttik turǵyndar kóshede esirtki jasyryp júrgen «kýrerdi» ustap aldy
Kóshede esirtki qoıyp júrgen kúdiktini ustap alǵan turǵyndar 102 jelisine habarlasqan. Shaqyrtý boıynsha jedel jetken tergeý tobynyń qyzmetkerleri kúdiktiniń telegramm chat arqyly túsken nusqaýlardy buljytpaı oryndaǵanyn anyqtaǵan. Keıin, tártip saqshylary onyń esirtki qoıyp ketken jerlerin jeke-jeke tintip, jasyrylǵan untaqtardy aıǵaq zat retinde tárkiledi. Nátıjesinde, quqyq buzýshy bir kúnde 18 orynǵa polıetılendi paketke salynǵan esirtkige uqsas zattardy tyǵyp úlgergen. Saraptama qorytyndysyna sáıkes tárkilengen zattardyń sıntetıkalyq esirtki ekeni rastaldy.
«Atalǵan jaıt QR QK-niń 297-baby 2-bóligi (Esirtki, psıhotroptyq zattardy ótkizý maqsatynda zańsyz saqtaý, tasymaldaý, jóneltý ne ótkizý) boıynsha tirkeldi. Belgili bolǵandaı jas jigit 3 aıdan beri «kýrer» bolyp jumys istegen jáne kúnine orta eseppen 20-25 oramdy qoıyp ketýmen aınalysqan. Qazirgi tańda, kúdikti qamaýda. Sotqa deıingi tergep-tekserý amaldary júrgizilýde» - delingen shymkent qalasy polıtsııa departamenti taratqan aqparatta.
