Shymkenttik turǵyn óziniń 15 «klıentin» tonap ketti
ShYMKENT. QazAqparat - Shymkent turǵyny uıaly telefondardy satyp alamyn dep 15 adamdy tonap ketken. Jábirlenýshilerdiń arasynda kámelet jasyna tolmaǵan jasóspirimder de bar, dep habarlaıdy QazAqparat.
Oblystyq ІІD baspasóz qyzmetiniń málimetinshe, 25 jastaǵy kúdikti Ál-Farabı aýdandyq polıtsııa bóliminiń qyzmetkerleri qolǵa túsirgen.
Atalǵan polıtsııa bólimine jergilikti turǵyn aryzdanyp, belgisiz tulǵa kámelet jasqa tolmaǵan balasynyń uıaly telefonyn alyp ketkenin kórsetipti. Jedel izdestirý sharalaryn júrgizgen tártip saqshylary osy qylmysqa qatysy bar degen kúdiktini ustap, onyń 15 tonaý oqıǵasyna qatysy baryn anyqtady.
Qylmysqa qatysy bar degen kúdiktiniń bergen túsiniktemesine qaraǵanda, ol óziniń «klıentterin» áleýmettik jelide uıaly telefon satamyn deýshiler arasynan taýyp otyrǵan. Satylatyn taýarlaryn kóremin dep kezdesýge shaqyryp, keıin ony tonap ketip otyrǵan.
Qazirgi tańda kúdiktiniń jábirlenýshilerge keltirilgen jalpy shyǵyn kólemi shamamen 800 myń teńgeni qurap otyr. Kúdiktiden aıǵaqty zattar tárkilenip, sezikti ýaqytsha tergeý abaqtysyna qamaldy.
