Shymkenttik stýdent kóshedegi muqtaj adamdarǵa palaý taratty

ShYMKENT. QazAqparat - Shymkentte Aıbar esimdi jigit Alǵys aıtý kúni qarsańynda qaıyrymdy is jasady. «Jas Otannyń» belsendisi palaý bastyryp, kóshedegi muqtaj adamdarǵa taratty, dep habarlaıdy  QazAqparat tilshisi.

«Jas Otannyń» baspasóz qyzmetiniń habarlaýynsha, qaıyrymdylyq sharasyna erikti jastar da atsalysqan.

Aıbar ózi sııaqty erikti jastardy jınap, kúzetshiler, aýla sypyrýshylar, qoqys tazalap júrgen jáne mektep, aýrýhanada eden jýatyn jandardyń eńbegin baǵalap, alǵys aıtý maqsatynda ári úı-kúısiz qalǵan kóshedegi adamdarǵa palaý, baýyrsaq pen sháı taratty. Jalpy 25 keli palaý pisirilip, barlyǵy bir kúnde taratyldy. Jaqsylyqty esh sebepsiz, qarapaıym shymkenttik jigit sekildi jasaı bileıik» delingen baspasóz qyzmetiniń habarlamasynda.

Óńirdiń eriktileri sondaı-aq  1 naýryz - Alǵys aıtý kúninde qala turǵyndaryna tosyn syı jasamaq.

Aıta keteıik, 22 jastaǵy stýdent Shymkenttegi joǵary oqý oryndarynyń birinde bilim alady.  Ol buǵan deıin de qaıyrymdylyq sharalaryn jasaǵany belgili. Balalar úıleri men múmkindigi shekteýli, ózdiginen júrip- tura almaıtyn jetkinshekterge qolushyn berip, qarttar úıindegi qarııalarǵa da qamqorlyq tanytyp keledi.  Kózi kórmeıtin zaǵıptar úshin Braıl kitabyn shyǵarǵan.