Shymkenttik sportshy jasóspirimder Olımpıadasynda qola medaldi jeńip aldy
QR UOK baspasóz qyzmetiniń habarlaýynsha, 15 jastaǵy Stella Sýhanova irikteý kezeńinde 1:54.64 nátıjeni kórsetip, kelesi aınalymǵa tórtinshi orynmen ótti. Sodan soń Stella aýstralııalyq qarsylasynan buryn márege keldi. Shırek fınalda Italııa eliniń ókili Lıýkretsııa Zıronıden ozyp ketti. Jartylaı fınalda qazaqstandyq baıdarka esýshi majarlyq Ester Rendessıge jol berip, qola júldege talasý múmkindigin aldy. Úshinshi oryn úshin ótken synda Stella Sýhanova nemis Djına Zıntten shamamen úsh sekýnd jyldam boldy. Stellanyń ýaqyty - 1:54.25.
«Óte qýanyshtymyn. Dıas úshin de qýanyshtymyn. Emotsııamdy sózben jetkize almaımyn. Jarys óte qıyn boldy. Qola medal ońaı kelgen joq. Elim úshin qýanyshtymyn. Bul bizdiń sport úshin jaqsy jetistik. «V» jolymen jarysý ońaı bolǵan joq. Ásirese burylysqa kirý qıynǵa soqty. Jartylaı fınalda qobaljý áser etti de, senimsizdeý óner kórsettim. Al qola medal úshin talasta barymdy saldym», - deıdi baıdarka esý jarysynan jasóspirimder arasyndaǵy Olımpıada oıyndarynyń qola júldegeri Stella Sýhanova.
Aıta keteıik, bıylǵy jasóspirimder Olımpıadasynda 58 qazaqstandyq sporttyń 22 túrinen baq synap jatyr.