Shymkenttik sheneýnik 25 mamyrdy «Synyptastar kúni» dep ataýdy usyndy
ShYMKENT. QazAqparat - Shymkenttik sheneýnik 25 mamyrdy «Synyptastar» kúni dep ataýdy usyndy. Oblystyq eńbek ınspetsııasy basqarmasynyń basshysy Bastar Esqaraevtyń sózinshe búginde áleýmettik jelilerde «Synyptastar» degen qaýymdastyq óte belsendi toptarǵa aınalǵan, dep habarlaıdy QazAqparat HAA tilshisi.
«Keıbireýler jaı synypta birge oqyǵanymen, baýyrlastarynan da jaqyn bolyp ketedi. Al, endi bireýler aıyrylmas dostarǵa aınalǵan. Úshinshileri quda- jekjat bolyp syılasady. Taǵy birqatary birin-biri izdep taba almaı júredi. Sondaı qyzyǵy men shyjyǵy mol balalyq shaq - bal dəýrenniń armandastar- qurdastaryna arnaıy bir kúndi ataýǵa tolyq negiz bar dep esepteımin», - deıdi Bastar Esqaraev.
Sheneýnik sondaı-aq qazirgi tańda mektepterde ótetin «Sońǵy qońyraý» kúni ár jylǵy bitirgen túlekterdiń kezdesýi úrdiske aınalyp otyrǵanyn aıtady.
«Al, 5, 10, 20, 30, 40, 50 jyldyq synyptastardyń kezdesýleri - búgingi kúnniń zańdylyqtary! ıAǵnı, Synyptastar degen «zańdy» qaýym bar degen sóz», - deıdi basqarma basshysy.
Bastar Esqaraev bul kúnge arnap «Synyptastarym» atty án de shyǵarǵan. Ári bul ánge beınebaıan túsirilýde eken.
