Shymkenttik sheber jyljymaly kıiz úı jasap shyǵardy
ShYMKENT. QazAqparat - Shymkenttik sheber Erkinbek Bókenbaev dóńgelekti kıiz úı qurastyryp shyǵardy. Ónertapqyshtyń jasaǵan bul týyndysy búginde kópshiliktiń qyzyǵýshylyǵyn týǵyzyp otyr, dep habarlaıdy QazAqparat HAA tilshisi.
Kıiz úı pishindes zamanaýı tirkemeni avtor «Qazaq arbasy» dep ataǵan. Innovatsııalyq jobany jasaý úshin sheberdiń 6 aı ýaqyty ketipti. Oǵan qajetti bólshekterin shetelden aldyrtqan. Al úıdiń ishine jaryq kúnnen alynatyn qýatpen jetedi.
«Men kıiz úıge jańa tehnologııany endirip, zamanaýı úlgide jasaýǵa tyrystym. Onyń sáýleti men ishindegi tazalyǵy barlyǵy da aldyn ala eskerilgen. Bizdiń ulttyq qundylyǵymyz da kórsetilgen. Qazir bul kıiz úıge qyzyǵýshylar kóbeıip otyr», - deıdi sheber Erkinbek Bókenbaev.
Ónertapqysh kıiz úıdiń qolynan shyqqan úshinshi týyndysy ekenin aıtady. Onyń sózinshe, buǵan deıin jemis-jıdek pen kókónis satýǵa arnalǵan jyljymaly dúńgirshek jasap shyǵarypty. Endi bul joba «EKSPO-2017» kórmesi qonaqtarynyń nazaryna usynylýy múmkin.
