Shymkenttik prokýrorlar polıtsııa zańsyz ustaǵan 21 adamdy bosatty
Qala prokýrorynyń sózinshe, qylmystyq qýdalaý organdary zańsyz ustaǵan azamattardyń bostandyq quqyqtary qorǵalǵan. Sondaı-aq, qadaǵalaý organy 31 myńnan astam azamattyń konstıtýtsııalyq quqyǵyn qorǵap, 600-ge jýyq adam jaýapkershilikke tartylǵan.
Múmkindigi shekteýli balalardy úıde oqytqany úshin 4428 muǵalimniń jalaqysyna qosymsha 62 mln teńge óndirilgen. Prokýrorlyq aktiler negizinde 227 myń tutynýshynyń quqyqtary qorǵalyp, sý tarıfi 82,20 teńgeden 73,65 teńgege kemigen. Al, gaz tarıfi 3587,67-den 3497,91 teńgege tómendegen. Qaladaǵy eki monopolıstiń joq shyǵyndardy tarıfke qosý derekteri prokýratýrada tirkelip, búgingi tańda qylmystyq is tergelýde.
Budan bólek, dári-dármekpen qamtamasyz etý baǵytyndaǵy tekserý nátıjesinde 91 mln teńgeden astam qarjynyń dárilik zaty urlanyp, jasyryn qoımada jınalǵany anyqtalǵan. Qazirgi tańda bul qylmys boıynsha sotqa deıingi tergep-tekserý amaldary bastalyp, tergelýde.
Sonymen qatar jol qaýipsizdiginiń saqtalýyna júrgizilgen tekserý nátıjesinde 6 myńnan astam zań buzý deregi anyqtalyp, 16 is tirkelgen. 50 azamatqa qatysty shyqqan úkimder prokýrordyń appelıatsııalyq ótinishhatynan soń zańnamaǵa sáıkestendirildi.