Shymkenttik polıtseıler jappaı ekpe qabyldaýda
Qalalyq Polıtsııa departamenti baspasóz qyzmetiniń málimetinshe, ekpe qabyldaıtyn tártip saqshylary aldymen dárigerdiń qabyldaýynan ótýde. Medıtsınalyq tekserýden ótkenderdiń dene qyzýy men qan qysymy tekseriledi. Osy maqsatta 20 alǵashqy medıtsınalyq-sanıtarlyq kómek mekemelerinde arnaıy kabınetter daıyndalǵan. Egý naýqanyn sapaly ótkizý úshin myńnan asa medıtsına qyzmetkeri arnaıy daıyndyq kýrsynan ótken. Bastysy, vaktsınalaý erikti negizde júrgizilýde. Vaktsınany alǵashqylardyń biri bolyp qabyldaǵan ýchaskelik polıtsııa ınspektory Erbol ıÝsýpov ekpeniń qaýipti indettiń aldyn alýǵa múmkindik beretinin aıtady.
«Men ýchaskelik polıtsııa ınspektorymyn. Jumysym óz aýmaǵymdaǵy azamattarmen tikeleı baılanysty bolǵandyqtan, ózime jáne basqa azamattardyń jeke basyna qaýip tóndirmeý qajet dep sanaımyn. Sondyqtan ekpeni saldyrttym. Qazir densaýlyǵym qalypty. Eshqandaı keri áseri bolmady», - deıdi Erbol ıÝsýpov.
Aıta keteıik, elimizde pandemııa bastalǵan sátten bastap polıtseıler men medıtsına qyzmetkerleri koronavırýsqa qarsy kúreste aldyńǵy shepte qyzmet atqardy. Olar qoǵamdyq tártip pen jol qaýipsizdigin saqtaý maqsatynda qyzmetin jalǵastyra bermek.