Shymkenttik polıtseıler turǵyndardy qabaǵan ıtten qutqardy
Polıtsııanyń jedel basqarý ortalyǵyna qaladaǵy aıaldamalardyń birinde adamdarǵa qabaǵan ıttiń shabýyldaǵany týraly habarlama kelip túsken. Oqıǵa ornyna kelgen qos polıtseı qabaǵan ıttiń turǵyndardyń bireýin qolynan, ekinshisiń ıyǵynan tistep alǵanyn kórgen. Ýchaskelik polıtseıdiń biri ıt qolyn tistep alsa da, ony baılap qoıýǵa úlgergen. Kelgen jedel járdem brıgadasy zardap shegýshilerge alǵashqy medıtsınalyq kómek kórsetip, aýrýhanaǵa alyp ketken. Artynsha veterınarlar kelip, ıtti alyp ketken.
Aıta keteıik, Shymkent qalalyq PD Abaı aýdany polıtsııa basqarmasynyń ýchaskelik polıtsııa ınspektory, polıtsııa kapıtany Mýzafar Abdırahmanov 2011 jyldan beri ishki ister organynda qyzmet etedi. Al, onyń senimdi seriktesi polıtsııa leıtenanty Bımendy Irısbekov ishki ister salasynda 2017 jyldan bastap qyzmet etedi. Adamdardy ıtten qutqarǵan bul polıtseıler QR ІІM «Quqyq tártibin qamtamasyz etýge qosqan úlesi úshin» medalderimen marapattaldy.