Shymkenttik polıtseıler reıd júrgizdi

ShYMKENT. QazAqparat – Shymkentte Jergilikti polıtsııa qyzmetiniń tártip saqshylary men qoǵamdyq belsendileri qala kóshelerinde profılaktıkalyq reıd júrgizdi, dep habarlaıdy QazAqparat tilshisi.

Top músheleri kóshelerdiń aýlalaryn aralap, esirtki zattaryn taratý saıttaryn jarnamalaıtyn graffıtı-jazýlardy óshirdi.

Reıd barysynda polıtsııa qyzmetkerleri azamattarǵa tyıym salynǵan zattarynyń qoldaný qaýpi týraly eske saldy. Adamnyń esirtki quraldaryn qoldanýynyń negizgi belgileri men esirtkige táýeldiliktiń jyldam damýy týraly túsindirip ótti. Eger osyndaı jaǵdaı týyndaǵan bolsa, shuǵyl sharalar qabyldaý qajettiligin eskertti. Tártip saqshylary sondaı-aq, esirtki zattaryn saqtaý men tutyný jáne taratý úshin zańmen qarastyrylǵan jaýapkershilik bar ekenin tarqatyp aıtty.

Іs-sharaǵa qatysýshylar azamattarǵa ishki ister organdaryna esirtki satý faktileri týraly habarlaýǵa shaqyratyn jadynamalar taratty.

Aıta keteıik, sońǵy kezde qala aýmaǵyndaǵy birqatar jerlerde esirtki zattaryn taratý saıttaryn jarnamalaıtyn graffıtı-jazýlar paıda bolǵan edi. Bul jaǵdaı óz kezeginde qala turǵyndaryn alańdatqany belgili. Óz balalarynyń ómirine qaýiptengen halyq polıtsııaǵa shaǵymdanyp, kómek suraǵan.