Shymkenttik polıtseıler mereke kúnderi kúsheıtilgen tártipte jumys isteıdi
Qalalyq PD baspasóz qyzmetiniń málimetinshe, halyq kóp shoǵyrlanatyn oryndardarǵa qoǵamdyq tártipti saqtaýǵa qosymsha avtopatrýlder jáne jaıaý jasaqtar jumyldyrylǵan. Qoǵamdyq tártipti saqtaýǵa jáne qaýipsizdikti qadaǵalaýǵa patrýldik polıtsııa polkiniń 404 qyzmetkeri tartylady.
Qala aýmaǵynda ornalasqan barlyq dámhanalar men meıramhanalarda jáne basqada oıyn-saýyq oryndarynyń aýmaqtarynda qoǵamdyq tártipti jalpy 328 ýchaskelik polıtsııa ınspektory qadaǵalaıdy.
Sonymen qatar 6506 áskerı bóliminiń 231 sarbazy jaıaý patrýldeýde qyzmet atqarady. Kámelet jasqa tolmaǵandar jónindegi 110 polıtsııa ınspektory túngi mezgilde jasóspirimderdiń ata-anasynsyz úıinen tys jerde júrýge tyıym salý maqsatynda únemi reıdtik sharalar júrgizýde.
Departamentke qarasty barlyq basqarmalarynda qosymsha jedel-tergeý toptary qurylǵan. Quqyq buzýshylyqtar týraly habarlamalarǵa jedel qyzmet atqarý úshin mereke kúnderi polıtsııa avtopatrýlderiniń, kóshelerdegi polıtsııa jaıaý jasaqtarynyń sany artady. Jol júrý qaýipsizdigin qamtamasyz etý boıynsha qosymsha sharalar qabyldanýda. Jazataıym oqıǵalardyń aldyn alý úshin sertıfıkattalmaǵan pırotehnıkalyq ónimdi satýǵa jol bermeý maqsatynda tekserý júrgizilip jatyr.