Shymkenttik polıtseıler qoǵamdyq tártipti qadaǵalaýda beınejetondy paıdalanbaq
ShYMKENT. QazAqparat - Shymkentte jergilikti polıtsııa qyzmetiniń saqshylary beınejetonmen júretin boldy. Bul týraly qalalyq Jergilikti polıtsııa qyzmetiniń basshysy Danııar Meıirhan málimdedi, dep habarlaıdy QazAqparat tilshisi.
Óziniń áleýmettik jelidegi paraqshasynda Danııar Meırhan turǵyndardy jol erejesin buzbaýǵa shaqyryp, zańbuzýshylyq oryn alǵan jaǵdaıda bári beınetúsirilimge úzilissiz túsirilim jasalatynyn eskertti.
«Polıtseılerdiń beınejetondary endi úzdiksiz túsiretin bolady. Qyzmetkerlerimiz buryn qýattaǵyshty únemdep, ony óshirip qoıatyn. Qazir qosymsha qýattaý quraldarynyń satyp alynǵanyna qýanyp otyrmyn, endi JPP qyzmetkerleri barlyq aýysymda baqylaýda bolady. Aıtpaqshy, Sizderge keńesim: eger sizdi JQE buzǵanyńyz úshin toqtatqan bolsa, «dosyńyzǵa qońyraý» soǵyp, kelisýge tyryspańyz. Jańa qurylǵylar daýysty óte sapaly jazyp alady», dep jazdy Danııar Meıirhan.
Qalalyq Jergilikti polıtsııa qyzmetiniń basshysy sondaı-aq beınejetondardy qýattaǵyshy árbir qyzmetkerdiń kezekshilik ýaqytyna jetetinin aıtyp ótti. Búginde qýattaǵyshty jetkize almaǵan qyzmetkerler jumystan bosatylyp jatqanynan da habardar etti.
«Vıdeo barlyq ýaqytty jazyp alady. Qazir on qyzmetker osy úshin ketip jatyr» dedi Danııar Meırhan.
