Shymkenttik polıtseıler kásibı merekelerin atap ótti
ShYMKENT. QazAqparat - Shymkenttik polıtseıler kásibı merekelerin atap ótti. «Qazaqstan polıtsııasynyń 27 jyldyǵy» merekesine oraı uıymdastyrylǵan saltanatty sharaǵa qala ákimi Ǵabıdolla Ábdirahymov pen Іshki ister organdarynyń ardagerleri, polıtsııa qyzmetkerleri jáne qyzmet babynda qaıtys bolǵan qyzmetkerlerdiń jubaılary qatysty, dep habarlaıdy QazAqparat tilshisi.
Qazaqstan Halqy Assambleıasynyń ǵımaratynda polıtsııa salasyna arnalǵan fotokórme uıymdastyrylyp, jınalǵan qaýymǵa Polıtsııa departamentiniń baspasóz qyzmeti túsirgen fılm kórsetildi. Óz qyzmetine jaýapkershilikpen qaraıtyn birqatar úzdik polıtsııa qyzmetkerleri marapattalyp, shara sońy merekelik kontsertke ulasty. Estrada juldyzdary men polıtsııa qyzmetkerlerinen quralǵan ánshiler óner kórsetip, kópshilikke kóterińki kóńil kúı syılady. Sondaı-aq, № 4 balalar úıiniń tárbıelenýshileri án shyrqap, tártip saqshylaryn merekelerimen quttyqtady.
Bul kúni sonymen qatar Ál-Farabı aýdanynyń polıtsııa basqarmasy ǵımaratynyń aldynda front-ofıs ashyldy. Munda endi kelgen halyq qajetti keńesin alyp, olar ótinishteri men basqa da qujattaryn qysqa merzimde ótkizýge múmkindik alady. Jalpy aýmaǵy 45 sharshy metrdi quraıtyn keńsede azamattarǵa arnap kútý zaly, resepshn ortalyǵy ashylyp, qajetti kompıýterlik qural-jabdyqtar men bazalar ornatylǵan. 
Aryzdardyń basym bóligin quraıtyn lıtsenzııalaý-ruqsat berý júıesi, men ákimshilik tájirıbe, qylmystyq isterdi tergeý máselelerine qatysty quzyretti qyzmetkerler - jergilikti polıtsııa qyzmetiniń, ákimshilik tájirıbe ınspektorlary, anyqtaýshylar men tergeýshiler qyzmet kórsetedi.
