Shymkenttik polıtseıler halyqpen 30-ǵa tarta kezdesý ótkizdi

ShYMKENT. QazAqparat – Aǵymdaǵy jyly Shymkenttiń polıtsııa ókilderi qala turǵyndarymen 30-ǵa tarta kezdesý ótkizdi, dep habarlaıdy QazAqparat tilshisi.

Polıtsııa organdary men halyqtyń arasynda tıimdi keri baılanys ornatý men azamattardyń shaǵymdaryn tez arada qarastyrý maqsatynda uıymdastyrylǵan kezdesýler qalanyń barlyq aýdandarynda ótken.

Shymkent qalasynyń Polıtsııa departamentiniń bastyǵy Eraly Jumahanbetov halyqpen kezdesýde QR Prezıdenti Q.Toqaevtyń Qazaqstan halqyna Joldaýynda aıtylǵan memlekettik organdardyń qyzmetkerleri halyqpen tyǵyz qarym-qatynas jasap, halyqqa barynsha jaqyn jáne olardyń ótinishteri qabyldanatynyn atap ótti.

Sonymen qatar, Eraly Jumahanbetov turǵyndardyń qandaı da bir mazalap júrgen suraqtary nemese máseleleri bolsa, mindetti túrde birlesip, aqyldasyp sheshimin tabatynyn jetkizdi. Kezdesý barysynda qala aýmaǵyndaǵy eldi mekenderde qoǵamdyq tártipti qamtamasyz etý maqsatynda aýdandyq polıtsııa bólimderine qyzmettik avtokólikterdiń berilip jatqanyn jáne turǵyndardyń ótinishterin eskere otyryp, demalys kúnderi qosymsha avtoekıpajdar jumys isteıtindigi aıtyldy.