Shymkenttik polıtseıler bolashaq zańger jastarmen kezdesti

ShYMKENT. QazAqparat – Shymkenttik polıtseıler M.Áýezov atyndaǵy Ońtústik Qazaqstan memlekettik ýnıversıtetiniń zań fakýltetinde bilim alatyn stýdenttermen kezdesip, tergeýshi men anyqtaýshylardyń atqaratyn qyzmeti, onyń qyzyǵy men qıyndyǵy jaıynda aıtyp berdi, dep habarlaıdy QazAqparat tilshisi.

Basqosýǵa M.Saparbaev atyndaǵy Ońtústik Qazaqstan Gýmanıtarlyq ınstıtýtynyń shákirtteri de shaqyryldy. Basqosýda qalalyq Polıtsııa departamenti Tergeý basqarmasynyń qyzmetkerleri qoǵamyq tártipti saqtaý men túrli quqyqbuzýshylyq árekettermen kúresýdiń qyr-syryn baıandap ótti. Qazirgi tańdaǵy polıtsııa qyzmetkeriniń qandaı bolý kerektigin jetkizip, oǵan qoıylatyn talaptar barysymen tanystyrdy. ıAǵnı, tártip saqshysy qoǵamdaǵy kez kelgen azamatqa janashyr bolý kerektigi aıtyldy. Kezdesýge kelgen jastar ózderin tolǵandyrǵan saýaldarǵa jaýap alyp, kóptegen aqparattar alǵandyǵyn atap ótti. Іs-shara aıasynda zań fakýltetiniń stýdentteri arasynan «Jas zańgerler klýbyn» uıymdastyrý týraly sheshim qabyldanyp, taraptar aldaǵy ýaqytta turaqty túrde klýb múshelerine dáris sabaqtary, baıqaýlar jáne taǵy basqa is-sharalar ótkizilip turatyn bolyp kelisti.

Aıta keteıik, Shymkent qalasynyń Polıtsııa departamenti aǵymdaǵy jyldyń qyrkúıek aıynda M.Áýezov atyndaǵy Ońtústik Qazaqstan memlekettik ýnıversıtetimen Qazaqstan Respýblıkasynyń Іshki ister mınıstrimen bekitilgen «Іshki ister organdaryna kadrlardy daıarlaý salasyndaǵy yntymaqtastyq týraly» memorandýmǵa qol qoıǵan. Atalǵan kezdesý osy memorandým aıasynda uıymdastyryldy.