Shymkenttik polıtseı 24 jyl iz-túzsiz joǵalǵan atyraýlyq azamatshany tapty
Bul oqıǵaǵa baılanysty sol kezde ákesi jergilikti polıtsııaǵa shaǵymdanǵanymen, izdeý sharalary nátıje bermegen. Al, arada 24 jyl ótken soń, Qajymuqannyń anasy Shymkent qalasyndaǵy qorymda jerlengeni belgili boldy.
Qajymuqan aldymen Qazaqstan boıynsha ortalyq baza arqyly anasynyń tirkelgen meken-jaıyn tapqan. Sodan Shymkent qalasy polıtsııa departamenti Abaı APB-nyń ýchaskelik ınspektory, polıtsııa kapıtany Ýrkımbaev Abdýmalıkpen baılanysqa shyǵyp, anasyn izdeýge kómek surapty. Kórsetilgen meken-jaı boıynsha izdeý jumystaryn júrgizgen polıtsııa qyzmetkeri Qajymuqanmen habarlasyp, anasy týraly barlyq aqparatty tapqanyn jetkizgen.
«14 sáýirde Shymkentke kelgen Qajymuqandy ýchaskelik polıtsııa qyzmetkeri A.Ýrkımbaev kútip alyp, anasynyń mazaryna alyp bardy. Anasy Shymkentke kelip otbasyn qurǵan, biraq 2014 jyldyń 11-sáýirinde qaıtys bolǵan. Ol anasyn tabýǵa kómektesken polıtsııa qyzmetkerine sheksiz alǵysyn bildirdi»,- delingen Shymkent qalasy polıtsııa departamenti taratqan baspasóz habarlamasynda.
Aıta keteıik, Qajymuqan Tlepıev anasynan 16 jasynda kóz jazyp qalǵan. Qazir eki qaryndasy men eki inisi bar.