Shymkenttik órt sóndirýshiler balkondaǵy balany qutqaryp qaldy

ShYMKENT. QazAqparat – Kókshetaý qalasynda oqıtyn shymkenttik kýrsanttar balkonnan qulap kete jazdaǵan balany qutqaryp qaldy, dep habarlaıdy QazAqparat tilshisi.

Oqıǵa Kókshetaý qalasynda oryn alǵan. M.Ǵabdýllın atyndaǵy Azamattyq qorǵaý akademııasyna synaq tapsyrýǵa barǵan shymkenttik órt sóndirýshi jastar kóp qabatty turǵyn úıdiń janynda jınalyp qalǵan adamdardyń joǵaryǵa qarap aıqaılap jatqanyn kóredi.

Besinshi qabattyń balkonynan qarap turǵan balaǵa «eskertýler» aıtylǵanymen, ony búldirshin eleı qoımapty. Qaıta terezeni ashyp, tómenge qaraýyn qoımaǵan. Eskertýlerge esh nazar aýdarmaǵan.

Balanyń ómirine qaýip tónip turǵanyn kórgen kýrsanttar birden kómekke umtylady. Besinshi qabatqa shyǵyp, esikti urǵanymen eshkim ashpaǵan. Sodan keıin kýrsanttardyń biri Abylaı Kýlbaev kórshi páterdiń balkony arqyly bala turǵan terezege ótedi. Osy sátte áriptesteri balanyń nazaryn aýdaryp, aldaýsyratyp turǵan.

Osylaısha úsh kýrsant ómirine qaýip tóngen balany qutqaryp, ata-anasyna aman-esen tapsyrdy.