Shymkenttik oqýshylar áskerı ushaqtarǵa otyrdy
Shymkent garnızony baspasóz qyzmetiniń málimetinshe, kishkentaı qonaqtar zamanaýı áskerı ushqyshtardyń qalaı ushatynyn kórdi, áskerı ushaqtardyń shanaqtaryn tamashalady, tipti ushqyshtyń ornyna otyrýǵa múmkindik aldy.
«Oqýshylarǵa áýe bazasy komandıriniń orynbasary, podpolkovnık Azamat Nurahmetov jol kórsetip, áskerı avıatsııamen tanystyrdy. Ekskýrsııa aldynda balalarǵa bólim aýmaǵynda ózin qalaı ustaý kerek, ne isteýge bolady jáne ne isteı almaıtyny týraly aıtyldy. Qaýipsizdik sharalary áskerı bólimde joǵary deńgeıde saqtaldy. Ushqyshtar únemi ózderin damytý ústinde, teorııadan basqa, olar jerde, sodan keıin aýada jattyǵýlar jasaıdy», - delingen habarlamada.
Ekskýrsııa barysynda oqýshylar áskerı ushqyshtardyń kúndelikti ómirinen, Áýe qorǵanys kúshterinde qyzmet etý erekshelikteri týraly málimet aldy, avıatsııalyq tehnıkanyń jańa úlgilerimen tanysty. Áskerı ushqyshtar avıatsııadaǵy qyzmet tájirıbelerimen bólisti, ushýlardy oryndaý kezindegi umytylmas áserlerimen bólisti.
Uıymdastyrýshylardyń málimetinshe, balalar úshin áýeaılaqqa arnaıy SÝ-25 shabýyldaý avıatsııasynyń jańartylǵan ushaqtary, Mı-35M, Mı-171Sh soqqy jáne kólik tikushaqtary, jerústi jaýyngerlik jáne arnaıy tehnıka úlgileri qoıyldy. Ofıtserlerlermen birge oqýshylar jaýyngerlik ushaqtyń kabınasynda otyrdy, shtýrvaldy ustady, pılottyń kabınasyndaǵy aspaptardy kórdi.
