Shymkenttik oqýshy qyz álemniń 8 joǵarǵy oqý ornynan shaqyrtý aldy
Olar Anglııadaǵy Queen Mary, Bristol, Kingston, AQSh-taǵy New York Institute of Technology men The New School, Italııadaǵy John Cabo, Aýstralııadaǵy Monash jáne Frantsııadaǵy American University of Paris ýnıversıtetteri.
«Árıne, bul meniń otbasym úshin óte jaqsy jańalyq. Mundaı jetistikke men mektep ujymynyń arqasynda qol jetkizip otyrmyn. Sebebi meniń ustazdarym maǵan durys jol siltep, bilimimdi odan ári shyńdaýǵa zor úlesterin qosýda. Bul rette olarǵa degen alǵysym sheksiz. Shynymdy aıtsam, Nazarbaev zııatkerlik mektebiniń túlegi ekenimdi maqtan tutamyn. Jáne aldaǵy ýaqytta bilim ordam da menimen maqtansa eken deımin. Sol sebepti bolashaqta eńbektenip, Qazaqstannyń damýyna úles qosýdy maqsat etip otyrmyn», - deıdi Araılym.
Úzdik JOO-lardan shaqyrtý alý úshin NZM túlegi arnaıy testileýden ótken. Máselen, SAT Reasoning-ten ol 1280 ball jınaǵan, al IELTS kórsetkishi 7 upaıdy qurap otyr. Sonymen qatar, Araılym ózge qatysýshylardan erekshelený úshin sheteldikterge arnaıy beınematerıal ázirlegen. Beınesıýjette ol ózi jáne mektebi jaıly baıandaǵan.
Ázirge Araılym qaı JOO-ny tańdaıtynyn bilmeıdi. Biraq bolashaq mamandyǵyn bıznes, marketıng jáne menedjmentpen baılanystyrýdy kózdep otyr.