Shymkenttik oqýshy Elbasy maqalasy negizinde joba jasady

ShYMKENT. QazAqparat - Shymkent qalasyndaǵy hımııa-bıologııa baǵytynda oqytatyn Nazarbaev ıntellektýaldy mektebiniń oqýshysy Suńǵat Ábdirazaq «Kazakhland» oıyn-saýyq ortalyǵy» atty ulttyq qundylyqtardy nasıhattaıtyn joba jasady, dep habarlaıdy Shymkent qalasy ákiminiń baspasóz qyzmetine silteme bergen QazAqparat.

Erekshe joba mekteptegi ashyq esik kúninde tanystyryldy. Joba avtory jumysty Elbasynyń «Uly dalanyń jeti qyry» maqalasyn negizge ala otyryp jasaǵanyn, sondyqtan oıyn-saýyq ortalyǵy 7 sektsııadan turatynyn málimdedi. Onda ertegi, arheologııa, qazaq ánderi, jylqylar, qolóner, ulttyq oıyndar jáne on eki aı degen elder bar. Ár elge tap bolǵan bala onyń beınesin ǵana kórip qoımaı, daýysyn estip, kúı tyńdaı alady.

Jas ónertapqyshtyń aıtýynsha, joba qoldaý tapsa, ol týrıster úshin de qyzyq bolmaq.

Sonymen qatar, ǵylymı-shyǵarmashylyq ıdeıalar jármeńkesinde «Bio worlds», «Rýhanı jańǵyrý», «Robotics», «Ǵylymı laboratorııa», «Intellectum zone», «STEAM» jáne «Laıfhak» baǵyttary boıynsha 140-tan asa jumys tanystyryldy.