Shymkenttik muǵalimderge syılyq alýǵa tyıym salynbaq
ShYMKENT. QazAqparat - Shymkenttik muǵalimderge mereke kúnderi syılyq alýǵa tyıym salynbaq. Bul másele QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti men Sybaılas jemqorlyqqa qarsy is-qımyl ulttyq bıýrosynyń qalalyq departamenti jáne bilim basqarmasy birlese ótkizge jıynda sóz boldy, dep habarlaıdy QazAqparat tilshisi.
Basqosýda sóz sóılegender bireýdi jazaǵa tartý emes, jemqorlyq áreketterdi aldyn alý qajettigin túsindirdi. Qaladaǵy bilim ordalarynyń basshylary men qyzmetkerlerin mereke kúnderi jappaı syılyq almaýǵa shaqyrdy.
«Bul jıyndy uıymdastyrýǵa ata-analardan úzdiksiz aqsha jınaý faktisi, mektepterdegi aqsha jınaý, muǵalimder jalaqylar ýaqytyly tólenbeýi, dırektorlardyń ókilettilikterin asyra paıdalanýy, sonymen qatar, merekelerde syılyq alý negiz bolyp otyr. Osy rette «Ózgeristerdi ózińnen basta» jobasy aıasynda bilim ordalarynyń basshylary men muǵalimderdi aldaǵy kele jatqan merekelerde jappaı syılyq almaý aktsııalary uıymdastyrýdy usynamyn» - dedi Departament basshysynyń orynbasary Aıbek Shilmanov.
Basqosýda materıaldyq syıaqylar alǵan jaǵdaıda muǵalimderdiń jaýapkershiligin eskeriletini aıtyldy.
Jıynda sonymen qatar, bilim salasynda anyqtalǵan kemshilikter men sybaılas jemqorlyq faktiler jaıy talqylandy. Іs-sharaǵa qatysýshylar bilim ordalaryndaǵy sybaılas jemqorlyqty aldyn alýda birlese jumys jasaýǵa ýaǵdalasyp, qaı kezde bolsa da syılyqtar almaý boıynsha bir kelisimge keldi.
