Shymkenttik medıtsına qyzmetkerleriniń balalaryna noýtbýktar tartý etildi
Qaıyrymdylyq shara koronavırýs ınfektsııasy pandemııasyna qarsy kúreste aıanbaı eńbek etip júrgen medıtsınalyq qyzmetkerleri men olardyń balalaryn qoldaýǵa baǵyttalǵan. Sharaǵa Áleýmettik damý qory men Nazarbaev Ýnıversıteti demeýshilik jasady. Atalǵan qor Ulttyq volonterler jelisimen birlesip, úıinde kompıýteri joq medıtsınalyq qyzmetkerlerdiń balalaryna kómek kórsetý maqsatynda 9 otbasyǵa noýtbýk úlestirdi. Atalǵan otbasylar qalalyq densaýlyq saqtaý basqarmasy usynǵan málimetter negizinde áleýmettik jaǵdaıyna qaraı tańdalǵan. Olardyń arasynda medbıkeler men sanıtar, feldsherlerdiń balalary bar. Áleýmettik damý qory koronavırýs ınfektsııasymen kúreste zor úlesin qosyp júrgen medıtsına qyzmetkerlerine alǵysyn osylaı bildirýdi jón dep tapty.
Aıta keteıik, ıgi shara aıasynda jalpy Pavlodar, Kókshetaý, Qyzylorda, Shymkent, Temirtaý, Taldyqorǵan, Aqtóbedegi medıtsına qyzmetkerleriniń balalaryna 100 kompıýter satyp alynǵan.